Milli Məclis tərəfindən qəbul edilən bəzi qanunlar beynəlxalq konvensiyalara uyğun deyil. Bu barədə Trend ə Milli Məclisin hüquq siyasəti və dövlət quruculuğu daimi komissiyasından bildiriblər.
Qeyd olunub ki, bu səbəbdən də bəzi qanunların icrası zamanı problem yaranır. Ancaq bu sənədlərin sayı o qədər də çox deyil. Beynəlxalq konvensiyalara uyğun gəlməyən qanunların çoxunun 8-10 il bundan öncə qəbul edilən sənədlərin olduğu bildirilib. O da vurğulanıb ki, son zamanlar qəbul edilən qanunlar beynəlxalq standartlara və konvensiyalara uyğunlaşdırılır.
Azərbaycan üçün yeni qanunvericilik aktları hazırlanarkən beynəlxalq təcrübə öyrənilir. Ziddiyyət təşkil edən qanunlar üzərində parlamentin müvafiq daimi komissiyaları ilə müvafiq şöbələri mütəmadi iş aparır.
Beynəlxalq konvensiyalara uyğun gəlməyən sənədlərin üzərində yenidən işləniləcəyi də qeyd olunub.