Hazırda Azərbaycan gəmilərinin Rusiyanın daxili sularından keçməsi ilə bağlı heç bir problem yoxdur. Azərbaycan Xəzər Dəniz Gəmiçiliyinin gəmiləri bu istiqamətdə iş qaydası ilə işləyirlər. Bu barədə Trend ə gəmiçilikdən xəbər veriblər.
Bu il gəmiçilik Rusiya hökümətindən 14 gəminin RF daxili sularından keçməsi üçün 25 icazə alıb. İcazələrdən 11-i Xəzər dənizinə keçid, 14-sü isə Xəzərdən çıxış üçün nəzərdə tutulub.
Lakin icazələrin alınmasına baxmayaraq, Azərbaycan RF daxili sularından keçmək üçün uzunmüddətli sazişin bağlanacağına ümid edir. Bu məsələnin həlli üçün Rusiyada nəinki Dəniz məcəlləsində, həm də mövcud qanunvericilikdə dəyişikliklər edilməlidir.
Hazırda Azərbaycan gəmilərinin bir istiqamətdə Rusiyanın daxili sularından keçməsinin qiyməti 20-25 min ABŞ dollarına başa gəlir. Rusiya gəmiləri buna görə 5-6 min ABŞ dolları ödəyirlər. Beləliklə, Azərbaycan gəmilərinin Rusiyanın daxili sularından keçməsi Rusiyanın kanal xidmətlərinə böyük mənfəət verir.