Quba elmi-aqrar mərkəzinin direktoru İlham Qurbanov başda olmaqla 3 azərbaycanlı fermer Fransada işgüzar səfərdədir. Kənd Təsərrüfatı Nazirliyinin elmi-aqrar mərkəzindən Trend ə verilən məlumata görə, səfər səfirliyin və Luare kənd təsərrüfatı palatasının dəstəyi ilə 2003-cü ildən Quba regional elmi mərkəzində gerçəkləşdirilən Frazer layihəsi çərçivəsində həyata keçirilir. Layihə çərçivəsində indiyədək 4 min hektardan çox sahədə pilot meyvə bağları salınıb.
Gələn həftəyədək davam edəcək səfər zamanı fermerlər meyvə bağlarına (alma) baş çəkəcək, əkin metodları, meyvələrə qulluq və s. ilə yaxından tanış olacaq.
