...

Azərbaycanın Hesablama Palatası ADDY və Aztelekom-da keçirilmiş auditin yekunlarını yaxın vaxtlarda açıqlayacaq

Biznes və iqtisadiyyat xəbərləri Materials 5 Avqust 2006 11:44 (UTC +04:00)

Trend-i buradan izləyin

Azərbaycanın Hesablama Palatası Azərbaycan Dövlət Dəmir Yolunun Daşınma proseslərinin idarə olunması Birliyində "Keşlə yük daşıma stansiyası"na dair dövlət gəlirləri, eləcə də Rabitə və İnformasiya Texnologiyaları Nazirliyinin Aztelekom İstehsalat Birliyində dövlət gəlirlərinin hesablanması üzrə keçirilmiş auditin yekunlarını yaxın vaxtlarda açıqlayacaq. Bu barədə Trend xəbər verir. Auditin əsas məqsədi - hesablama mexanizminin səmərəliliyi və dəqiqliyinin, iri böyük vergi ödəyicilərinin ödənişlərinin qiymətləndirilməsi, eləcə də onların vergi potensialının qiymətləndirilməsindən ibarətdir. Audit 2004-2005-ci illəri, o cümlədən 2006-cı ilin cari dövrünü əhatə edib.

Hazırda HP dövlət gəlirlərinin və hüquqi şəxslərin ödənişlərinin hesablanması üzrə audit keçirir. Auditə dövlət vergilərinin potensialının qiymətləndirilməsi, tətbiq edilən qiymətlərin (tariflərin) əsaslılığı, hesablama və ayrı-ayrı vergi növləri, məcburi sosial dövlət sığortası üzrə onların ödənilmə mexanizminin qiymətləndirilməsi, torpağın ƏDV və vergisinin hesablanma və ödəniş xüsusiyyətləri, həmçinin dövlət gəlirlərinin hesablanması və ödənişi üzərində nəzarətin qiymətləndirilməsi və s. daxildir. Yoxlamalar Bakond Engineering Group, Şərur MTK kimi müxtəlif müəssisələrdə həyata keçirilir. Buna paralel olaraq, palata həmçinin 2005-ci il və 1 iyul 2006-cı il dövrü üçün "Sənaye və tikinti xərcləri" hissəsi üzrə Azərenerji ASC -yə dövlət büdcəsindən ayrılmış vəsaitlər üzrə də analoji işlər görür, eləcə də Sumqayıtda 500 meqavatt gücə malik buxar-qaz qurğusunun tikinti layihəsi çərçivəsində Azərbaycanın dövlət payının auditini keçirir.

Xəbər lenti

Xəbər lenti