Azərbaycan Əmək və Əhalinin Sosial Müdafiəsi Nazirliyi Kürdəmir və Saatlıda əmək yarmarkaları keçirib. Nazirliyin Baş Məşğulluq İdarəsindən Trend ə xəbər verildiyi kimi, Kürdəmirdə keçirilən yarmarka zamanı 165 nəfər işlə təmin olunub. Hazırlıq kurslarına 22 nəfər, ödənişli ictimai işlərə 14 nəfər cəlb olunub. Ümumilikdə isə, yarmarkada 481 boş iş yeri ilə 54 müəssisə iştirak edib.
Saatlıda 427 iş yeri təqdim edən 28 müəssisənin iştirakı ilə 106 insan işə qəbul olunub.
İdarədən bildirilib ki, bu günə qədər nazirlik tərəfindən Naxçıvan Muxtar Respublikası da daxil olmaqla, ölkənin müxtəlif regionlarında 33-dən artıq əmək yarmarkası keçirilib. Yarmarkalarda 11768 iş yeri ilə 1 mindən artıq müəssisə iştirak edib. Nəticədə 2551 nəfər işə qəbul olunub, 100-dən artıq insan ödənişli ictimai işlərə və hazırlıq kurslarına cəlb olunub.
