Azərbaycan MDB dövlətlərinin Ali Maliyyə Nəzarəti Orqanları Rəhbərləri Şurasının III sessiyasında iştirak edib. Hesablama Palatasından Trend ə verilən məlumata görə, Minskdə keçirilmiş tədbirdə HP sədri Namiq Nəsrullayevin rəhbərlik etdiyi nümayəndə heyəti iştirak edib.
O, iclasda "Milli qanunvericiliyin təkmilləşdirilməsində AMNO-nun rolu" məruzəsi ilə çıxış edib.
Sessiyanın işində Belarus, Gürcüstan, Qazaxıstan, Qırğızstan, Tacikistan, Ukrayna, Moldaviya və digər ölkələrin AMNO nümayəndələri iştirak edib.
HP nümayəndə heyəti Belarus prezidenti Aleksandr Lukaşenko tərəfindən qəbul olunub. Sonda yekun qətnamələr və 8-ci sessiyanın 2007-ci ilin oktyabrında Düşənbədə keçirilməsinə dair qərar qəbul olunub.
Əvvəlki sessiya 2005-ci ilin sentyabrında Kişinyovda keçirilib. N.Nəsrullayevin başçılıq etdiyi nümayəndə heyəti bu sessiyada da iştirak edib. AMNO Rəhbərləri Şurası 2000-ci ildə dövlət maliyyə nəzarəti sahəsində qarşılıqlı əlaqələrin möhkəmləndirilməsi və fəaliyyətin əlaqələndirilməsi, o cümlədən bu sahədə təcrübə mübadiləsi məqsədilə yaradılıb.
Azərbaycan üçün tədbirin əhəmiyyəti ondan ibarət olub ki, sessiyada Azərbaycan ilə Rusiya HP və Qazaxıstan büdcəsinə nəzarət üzrə Hesablama Komitəsi arasında Xəzər dənizinin bioloji su ehtiyatlarının, o cümlədən nərə balığının mühafizəsinə və səmərəli istifadəsinə yönəlmiş vəsaitlərin effektiv istifadəsinin auditinə dair qərar imzalanıb.
