Avropa Yenidənqurma və İnkişaf Bankı (AYİB) Azərbaycan höküməti ilə Mingəçevirdə AzİES-in yenidən qurulma layihəsi üzrə kredit sazişi və zəmanət sazişinin imzalanmasında heç bir problem görmür. AYİB-in Bakı nümayəndəliyinin başçısı Reymond Konveyin Trend ə verdiyi məlumata görə, hökümətdə artıq bu məsələ üzrə bütün işlər başa çatdırılıb.
AYİB-in Direktorlar şurası iyunun 27-də layihənin həyata keçirilməsi üçün 115 mln. ABŞ dolları məbləğində krediti təsdiq edib. Beşinci blok istisna olmaqla, 1-dən 8-dək blokların yenidənqurulmasının dəyəri 135 mln. ABŞ dolları həcmində (vergisiz) qiymətləndirilir. Kredit Avropa bankının standart şərtləri ilə - ödənişi üç il gecikdirməklə və libor+1% faiz dərəcəsi ilə 15 il müddətinə veriləcək. Lakin kreditin mənimsənilməmiş hissəsi üzrə libor+0,5% faiz dərəcəsi ödəniləcək. Bu, kredit resurslarından istifadə prosesinin sürətləndirilməsi üçün edilir.
İstənilən halda "Azərenerji" mazut və təbii qazla işləyən (Bakının 300 km qərbində) 300 mV AzİES-in tikintisinin başlanmasını sürətləndirməyə çalışır, müvafiq olaraq kreditdən istifadə də sürətli olacaq. AYİB-in kredit vəsaitləri, əsasən, turbin avadanlığının bərpasına və ətraf mühitin yaxşılaşdırılması üzrə tədbirlərin görülməsinə yönəldiləcək.
Stansiya 20 ildən artıq fəaliyyət göstərir və təcili təkmilləşdirilmə tələb olunur, belə ki, elektrik enerjisinin əsas hissəsinin tədarükçüsü kimi ölkə üçün çox əhəmiyyətlidir. Müasirləşdirilmə layihəsinin məqsədi- zavodu layihə gücünə çatdırmaq üçün onun ümumi səmərəliliyinin artırılmasıdır.
