Dövlət Statistika Komitəsi 2006-cı ilin sonuna kimi milli statistika hesabları sistemini tamamilə təkmilləşdirməyi planlaşdırır. "Bu istiqamətdə yeganə boşluq maliyyə hesablarının olmamasıdır və bu hesabın tərtib olunması sahəsində işləri yoluna qoymaq planlaşdırılır, bu isə bu günə kimi sistemin mürəkkəbliyindən həyata keçirilməyib", - deyə Dövlət Statistika Komitəsinin sədri Arif Vəliyev bugünkü mətbuat konfransında bildirib. Bu barədə Trend xəbər verir.
Bunun üçün Beynəlxalq Valyuta Fondu (BVF) tərəfindən texniki yardım göstəriləcək. Hər kvartal həyata keçirilən BVF missiyası çərçivəsində noyabr-dekabr aylarında fondun ekspertlərinin səfəri gözlənilir.
Rusiyadan başqa, MDB məkanında heç bir ölkə bunu etmir. "Əgər o, Azərbaycanda tərtib olunarsa, onda milli hesablarımız tam tərtib olunmuş olacaq. Biz BMT statistika şöbəsinin tövsiyələrinə və Rusiya təcrübəsinə əsaslanmaq niyyətindəyik", - deyə Dövlət Statistika Komitəsinin başçısı qeyd edib.
