2006-cı ilin oktyabr ayında ümumi kənd təsərrüfatı üzrə istehsalat qiymətləri ötən aylarla müqayisədə 4,2%, 2005-ci ilin dekabr ayı ilə müqayisədə 17,3% bahalaşıb. Trend Dövlət Statistika Komitəsinə istinadən xəbər verir ki, oktyabr ayında bitkiçilik, tərəvəzçilik məhsulları qiymətinin indeksi sentyabr ayına nisbətən 106,5% təşkil edib. Bu dövr ərzində tərəvəzlərin istehsalat qiymətləri 5,6%, dənli bitkilərin qiyməti 9% artıb.
Bundan başqa, heyvandarlıq məhsullarının qiymətinin indeksi ötən aylarla müqayisədə 102,6% təşkil edib. İribuynuzlu mal-qaranın və onun məhsulunun qiyməti 5,9% artıb, qoyunların qiyməti 3,5% aşağı düşüb, diri quş və yumurtaların qiyməti sabit olaraq qalıb.
Balıqçılıq məhsullarının qiyməti 8,1% aşağı düşüb, meşə təsərrüfatı məhsullarının qiyməti isə sabit qalıb.
