"Basak-Inam" birgə sığorta şirkəti ipoteka kreditinin obyekti olan əmlakın, eləcə də həyat və əmək qabiliyyətinin itirilməsi ilə bağlı sığorta üzrə əməliyyatları artırıb. Şirkətin baş eksperti Samir Məmmədov bazar ertəsi Trend ə bildirib ki, bu il "Basak-Inam" əmlak, eləcə də həyat və əmək qabiliyyətinin itirilməsi ilə bağlı 37 risk sığortalayıb. Əmlakın sığortalanması üzrə faiz qoyuluşları 0,2%-dən 0,5% arasında dəyişib, həyat və əmək qabiliyyətinin itirilməsi ilə bağlı sığotra 0,31%-dən 1,95% arasında dəyişib.
Sığorta "Turan bank", "Texnikabank", "Bank of Baku" və "Bank Respublika" müştəriləri üçün aparılıb.