Azərbaycan,Bakı/müxbir Trend S.Babayeva/Martın 14-dən 17-dək Heydər Əliyev adına idman-konsert kompleksində keçiriləcək AutoShow Azerbaijan 2007 IV Azərbaycan Beynəlxalq Sərgisində 25 dövlətdən (Rusiya, Ukrayna, Yaponiya, Almaniya və s.) 126 şirkət iştirak edəcək. Bu barədə sərgi üzrə Iteca Caspian-nın meneceri Aqil Kərimov məlumat verib.
Onun sözlərinə görə, bu şirkətlərdən 79-u xarici şirkətdir, bunun da 70-i ilk dəfədir ki, sərgidə iştirak edir. Qalan 47 şirkət isə Azərbaycan şirkətləridir.
Bu il sərgi sahəsi 2005-ci illə müqayisədə 40 faiz artırılıb. İştirakçıların 60 faizini yeni şirkətlər təşkil edir.
Bu il ehtiyat hissələri, aksessuar və servis avadanlıqları daha geniş təmsil olunub. Bununla əlaqədar AutoParts Azerbaijan 2007 adlı ayrıca sərgi ayrılıb.
AutoShow Azerbaijan Zaqafqaziyda ən böyük beynəlxalq avtomobil sərgisidir və əhali arasında ən məşhur avtomobil hadisəsidir. Hər il sərgiyə 20 mindən çox avtomobil mütəxəssisi və sahibi baş çəkir. Əsas bölmələr:
Minik avtomobilləri
Avtobuslar
Yük avtomobilləri
Xüsusiləşdirilmiş avtomobillər
Motosikllər
Qoşqular
Ehtiyat hissələri
Tyüninq
Avtomobil mühərrikləri və komponentləri
Avtomobil aksessuarları
Avtoelektrik və elektronika
Akkumlyatorlar
Yanacaq-sürtgü materialları
Mühafizə siqnalizasiyaları və sistemləri
Audio, video və telekommunikasiya
Radiator, kondisionerlər
Şinlər, rezin-texniki məmulatlar
Avtomobilə qulluq vasitələri
Avtomobillərin təmiri və xidməti
Sığorta
Jurnal, qəzetlər, soraq materialları
2006-cı ildə sərgidə 43 beynəlxalq, 26 Azərbaycan və 15 istehsalçı şirkət iştirak edib.
Tədbirlərin keçirilməsinə rəsmi dəstəyi Azərbaycanın İqtisadi İnkişaf və Nəqliyyat nazirlikləri, Bakı Şəhər İcra Hakimiyyəti, Azərbaycanın Ticarət-Sənaye Palatası, Azərbaycanın Avtomobil Dilerləri Assosiasiyası, Azərbaycanın İxracat və İnvestisiya Fondu, Azərbaycan Sahibkarlar Konfederasiyası, TÜSİAB və Dövlət Yol Polisinin Baş İdarəsi göstərir.