Azərbaycan, Bakı /müx. Trend Ü.İsmayılova/ "Era-trans" sığorta şirkəti Azərbaycan Maliyyə Nazirliyinə beş yeni filialın açılışı məqsədilə qeydiyyatdan keçmək üçün müraciət edib.
Çərşənbə günü şirkətdən verilən məlumata görə, şirkət filialları Yevlax, Ağsu, Lənkəran, Əli Bayramlı və Göyçayda açmaq niyyətindədir.
Şirkətdən verilən məlumatda həmçinin bildirilir ki, şirkət artıq Bakıda və Sumqayıtda iki filiala malikdir. "Era-trans"ın nizamnamə kapitalı 960,431 min manat təşkil edir. Şirkət 4-ü icbari olmaqla 26 növ sığorta xidməti göstərir.