Azərbaycan, Bakı /müx. Trend S.Babayeva/ Yanvar-may ayları ərzində Azərbaycanın 127 xarici ölkə ilə ticarət əməliyyatlarının həcmi 4986112,2 min dollar təşkil edib, Dövlət Gömrük Komitəsindən verilən məlumatda belə deyilir.
Bu dövr ərzində ixrac mallarının 1910 növü üzrə 2532029,4 min dollar dəyərində əməliyyat həyata keçirilib, malın 5844 növü üzrə idxal olunan malların dəyəri 2454082,9 min dollar təşkil edib. İdxal-ixrac əməliyyatları üzrə 77946,5 min dollar həcmində müsbət saldo meydana gəlib. 2006-cı ilin eyni dövrü ilə müqayisədə ixrac əməliyyatlarının həcmi 13,41 % (392092 min dollar) azalıb, idxal əməliyyatlarının həcmi isə əksinə olaraq 15,85% (335814,6 min dollar) artıb. Azərbaycanda müvəqqəti ixrac rejimində 47418,4 min dollar həcmində ixrac, 164212,1 min dollar həcmində idxal həyata keçirilib.
