Gürcüstan, Tiflis/ Trend müxbir N.Kirtsxalia/ 2007-ci ilin 4 ayı ərzində Gürcüstandan Azərbaycana 406 200 şüşə brendi ixrac olunub. Gürcüstan Kənd Təsərrüfatı Nazirliyindən Trend a bildiriblər ki, bu dövr ərzində cəmisi 1 026 000 şüşə (0,5 litrlik) ixrac olunub ki, Azərbaycan da bu siyahıda ikincidir.
Daha çox həcmdə brendi Ukraynanın payına düşür ki, bu da 570 300 şüşədir.
Üçüncü yerdə 33600 şüşə ilə Belarusdur. Ümumilikdə isə Gürcüstandan dünyanın 10 ölkəsinə bu içki ixrac olunub.
Yanvar-aprel aylaqrı ərzində Azərbaycana həmçinin 156 200 litr şərabçılıq materialı göndərilib və bu göstəriciyə görə Azərbaycan əsas idxalçıdır. Cəmi dörd ölkəyə 237 500 litr şərabçılıq materialı göndərilib. Xüsusilə bu dövrdə Çexiyaya 46 000 litr, Latviyaya 23 000 litr və Ermənistana 12 300 litr şərabçılıq materialı ixrac olunub.
2007-ci ilin 4 ayında Gürcüstandan 2 443 100 şüşə şərab (0,75 litrlik) ixrac olunub. Bu dövr ərzində Ukraynaya 1 316 000 şüşə şərab ixrac olunub. İkinci yerdə 220 200 şüşə ilə Qazaxıstan, üçüncü yerdə isə 194 700 şüşə şərab ixracı ilə Latviyadır. Dördüncü və beşinci yerlərdə isə 158 300 və 137 900 şüşə Gürcüstan şərabının ixrac olunduğu Polşa və ABŞ-dır. Cayi ilin 4 ayı ərzində Rusiyaya cəmisi 200 şüşə şərab ixrac olunub. Ümumilikdə Gürcüstan şərabı dünyanın 29 ölkəsinə ixrac olunub.
2007-ci ilin 4 ayı ərzində Gürcüstandan 4 106 000 litr brendi spirti ixrac olunub. Brendi spirti cəmi üç ölkəyə ixrac olunub ki, burada da 3 918 100 litr Ukrayna, 160 000 litr Latviya, 27 800 litr isə Belarusun payına düşüb.
