Azərbaycan, Bakı / Trend / "Azərenerji" Səhmdar Cəmiyyətinin vitse-prezidenti Marlen Əsgərovun verdiyi məlumata görə, Sumqayıt elektrik stansiyası ərazisində tikilməkdə olan 517 MVt gücə malik yeni qaz-buxar qurğusunun istifadəyə veriləcəyi tarix dəyişib.
Buxar-qaz qurğusunun tam rejimdə 2008-ci ilin əvvəlində istismara veriləcəyi planlaşdırılır.
"Azərenerji" ASC-nin mütəxəssislərinin hesablamalarına görə, Sumqayıtda inşa edilməkdə olan yeni elektrik stansiyasının illik istehsal gücü 3,8 mlrd. kV/t saat təşkil edəcək. 517 MVt gücə malik buxar-qaz qurğusunun yanacağa olan illik tələbatı 630 mln. kubmetr qaz təşkil edəcək (bir saat üçün 100 min kubmetr qaz). 1 kV/t elektrik enerjisi istehsal etmək üçün 230 qram şərti yanacaq sərf olunur.
Buxar-qaz qurğusunun tikintisi layihəsi 257 mln. avro məbləğində qiymtləndirilir. Layihənin maliyyələşdirilməsinə dair müqavilə "Bayern LB bank" (Almaniya), "Societe de General" (Fransa) və "BNP Paribas" şirkətləri ilə imzalanıb. Hər üç bank 15% olmaqla bərabər həcmdə Libor +0,55 faiz dərəcəsi ilə kredit ayırır. Layihə çərçivəsində 107 kilometrlik yüksəkvoltlu elektrik ötürücü xəttinin çəkilməsi də nəzərdə tutulur. Elektrik stansiyasına qazın ötürülməsi məqsədilə qaz kəməri inşa ediləcək. Qaz kəmərinin tikintisi 30 mln. avro məbləğində qiymətləndirilir.
"Azərenerji" ASC Sumqayıtda baxar-qaz elektrik stansiyasının tikintisi məqsədilə Almaniyanın "Siemenes" şirkəti ilə müqavilə imzalayıb. Sumqayıt elektrik stansiyası ərzazisində 517 MVt gücündə buxar-qaz qurğusunun tamamilə tikintisi nəzərdə tutulur.
