Azərbaycan, Bakı, 25 fevral/ " , müxbir S.Əliyev/ "Azəri-Çıraq-Günəşli" dəniz yataqlarında geoloji "Balaxanı lay dəstəsi" üçün yeni platformaların tikintisinə növbəti ildə başlamaq planlaşdırılır. Bu barədə bazar ertəsi layihəyə yaxın olan mənbə məlumat verib.
Hazırda BP ("AÇQ" yataqlarının işlənilməsi layihəsinin operatoru) və Azərbaycan Dövlət Neft Şirkəti arasında bu məsələ üzrə danışıqlar davam edir. "Tikintiyə (platformaların) danışıqlar başa çatdıqdan sonra başlamaq mümkün olacaq" - mənbə bildirib.
"Balaxanı lay dəstəsi"nin işlənilməsi üçün iki platformanın tikilməsi lazımdır. Burada neft və səmt qazı ehtiyatları var. Onlardan biri "Çıraq" və "Günəşli"nin dərin sulu hissəsinin, ikincisi isə "Azəri" yatağının qərbi, şərqi və mərkəzi hissəsinin əhatə edilməsi üçün vacibdir. "Balaxanı lay dəstəsi"nin ehtiyatları dəqiqləşdirilmir.
Bu il BP mühəndis-texniki işləri həyata keçirmək niyyətindədir. Bundan sonra, "Balaxanı lay dəstəsi"nin işlənilməsi üzrə layihənin reallaşdırılma miqyası müəyyən ediləcək. "Əgər "Azəri-Çıraq-Günəşli" yatağında investisiya yatırılmasa hasilat azalacaq" - bir müddət əvvəl BP Azerbaijan-nın rəhbəri Bill Şröder bildirib. Şirkət yeni laylardan əlavə neft hasilatı hesabına hasilatı yüksək səviyyədə saxlamaq niyyətindədir.
Azərbaycan hökumətinin qiymətləndirməsinə görə, "Azəri-Çıraq-Günəşli"ni işləyən Azərbaycan Beynəlxalq Əməliyyat Şirkəti tərəfindən neft hasilatı 2011-ci ildən azalmağa başlayacaq, 2010-cu ilə nisbətən təqribən 550 min ton - 2010-ci ildə 54,74 mln. tondan 2011-ci ildə 54,2 mln. tonadək azalacaq.
Məqalə müəllifinin ünvanı: [email protected]