Azərbaycan, Bakı, 11 aprel/ " E.İsmayılov/ ARDNŞ -nin tərkibinə daxil olan Heydər Əliyev adına Bakı Dərin Özüllər Zavodu dərinsulu ikibloklu "Ümid-1" platformasında yenidənqurma işlərini mayda başa çatdırmağı planlaşdırır. Bu barədə Azərbaycan Dövlət Neft Şirkətinin (ARDNŞ) cümə günü yayılan məlumatında deyilir. Zavod dəniz platformasının yenidən qurulması üzrə işlərə ötən ilin sonunda başlayıb.
Dəniz platformasının istismarı ARDNŞ-ə öz vəsaitləri hesabına, işlənilən yataqda qaz hasilatının artırılması üzrə proqramın reallaşdırılması çərçivəsində lazımdır. Platformadan altı qaz quyusu qazmaq planlaşdırılır.
"Ümid-6" platformasının bazasında tikilən "Ümid-1" platforması proqram çərçivəsində ən iri obyektdir - onun hündürlüyü 72 m təşkil edir. Platforma "Bulla-dəniz" yatağından 15 km aralıda, dənizin 58 metr dərinliyində quraşdırılacaq.
ARDNŞ özünün qaz hasilatının artırılması proqramı çərçivəsində, 2008-ci ildə öz yataqlarında hasilatı 8 mlrd. kubmetrədək artırmağı planlaşdırır.
