Azərbaycan, Bakı, 08 may / Trend , müxbir S.Əliyev / Socar/Turcas Petrol/İnjaz Projects şirkətlər alyansı iyunda Türkiyənin "Petkim" neft-kimya holdinqinin səhmlərinin 51 faizini şəxsi tabeçiliyinə alacaq, bu haqda Azərbaycan Dövlət Neft Şirkətinin ("SOCAR") yüksək vəzifəli nümayəndəsi cümə axşamı bildirib. Alyans 51 faizlik səhm paketi üçün 2,04 mlrd.$ təklif edib.
Bu ilin ikinci yarısından etibarən, şirkət idarəçilərinin alyansı müəssisədə işə başlamaq niyyətindədir, ARDNŞ-nin nümayəndəsi əlavə edib. Alyans 7-8 il ərzində müəssisəyə 10 mlrd. $ yatırım etmək niyyətindədir.
SOCAR/Turcas/İnjaz "Petkim" istehsal obyektlərinin təkmilləşdirilməsinə yönəldilən yatırımlarının köməyi ilə ,Türkiyə bazarlarında sözügedən müəssisənin payını 27 faizdən 40 faizə qədər artıracaq. Hazırda Türkiyə zəruri kimyəvi məhsulların 75 faizə qədərini idxal edir. SOCAR/Turcas/İnjaz yatırımlarının köməyi ilə "Petkim" məhsulların idxalını 30 faizə qədər azaldacaq. Türkiyə bazarlarında kimyəvi məhsullara olan tələbat hər il 12 faizə qədər təşkil edir.
Azərbaycan Dövlət Neft Şirkətində hesab edirlər ki, bazarın vəziyyətindən asılı olaraq, qoyulan yatırımlar 6-7 il ərzində ödənə bilər.
SOCAR/Turcas/İnjaz kimya müəssisələrini xammalla təmin etmək məqsədilə, Türkiyədəki "Petkim" bazasında NEZ inşa etmək niyyətindədir. Ehtimallara görə, NEZ-in emal gücü ildə 6-8 mln.ton neft olacaq.
"Petkim" plastik qablaşdırma, parça, PVC, yuyucu maddələr istehsal edir. Türkiyədə adı çəkilən məhsulların yeganə istehsalçısı kimi,məhsulların dörddə birini ixrac edir.
Müəlliflə əlaqə saxlamaq üçün elektron ünvan: [email protected]
