...

"KazMunayqaz" yeni Avropa neft kəmərinin tikintisi layihəsinin iqtisadi məqsədəuyğunluğunu öyrənir

Energetika Materials 9 Sentyabr 2008 15:27

Trend-i buradan izləyin

Qazaxıstan, Astana, 09 sentyabr/ Trend , müxbir K.Konırova/ ""KazMunayqaz" (KMQ) Milli Şirkəti "Burqas - Aleksandropulos" layihəsi çərçivəsində "Konstansa - Triyest" neft kəmərinin tikintisi layihəsinin iqtisadi baxımdan nə qədər faydalı olacağını öyrənir", - Trend Agentliyinin müvafiq sualına cavab verən KMQ-nin vitse-prezidenti Daniyar Berlibayev bildirib.

"Rumıniya və Konstansa limanında fəaliyyət göstərən bir şirkət kimi "Burqas - Aleksandorpolus" layihəsinin realizəsi çərçivəsində "Konstansa - Triyest" layihəsinin iqtisadi baxımdan nə dərəcədə faydalı və həyata keçirilə bilən olduğunu nəzərdən keçirir və öyrənirik", - Berlibayev bildirib.

Onun sözlərinə görə, Qara dənizdə bir sıra layihələrin - "Konstansa - Triest", "Odessa - Brodı" və "Burqas - Aleksandropulos" layihələrinin öyrənilməsində Avropa İttifaqının məqsədi dar boğazların, o cümlədən Bosforun yanından keçməkdir.

"Bu günlərdə "Burqas - Aleksandropulos" layihəsini həyata keçirən "Transneft"in nümayəndələri ilə görüşdük. "KazMunayqaz" "Transneft"in bu layihə ilə bağlı Bolqarıstan və Yunanıstanla apardığı danışıqların gedişini diqqətlə izləyir. Biz bir daha bu layihədə maraqlı olduğumuzu təsdiqləmiş və bildirmişik ki, Xəzər boru kəməri Konsorsiumunun genişləndirilməsi mümkündürsə, biz neftimizi "Burqas - Aleksandropulos" ilə nəql edəcəyik", - Berlibayev bildirib.

Milli şirkətin vitse-prezidentinin sözlərinə görə, "Transneft" yunan və bolqarıstanlı tərəfdaşlarla bütün danışıqları başa çatdırdıqdan sonra, KMQ "Burqas - Aleksandropulos" layihəsinə qoşulacaq.

""Burqas - Aleksandropulos" layihəsi əvvəl realizə edilərsə, Bosfordan yan keçəcək "Konstansa - Triyest" və digər layihələrə "Burqas - Aleksandropulos" nəzərə alınmaqla baxılacaq - yəni onlar uzaq perspektivdə olacaq", - Berlibayev bildirib.

Berlibayev vurğulayıb ki, bir müddət əvvəl Astanada keçirilən III Avrasiya Enerji Forumunda XBK-nın genişləndirilməsi məsələsinə baxılıb.

O vurğulayıb ki, bu gün milli şirkət üçün prioritet "Burqas - Aleksandropulos" layihəsidir. ""Burqas - Aleksandropulos" üzrə bizim konkret tematikamız var və Xəzər boru kəməri Konsorsiumunun (XBK) genişləndirilməsi ilə bağladığmız konkret həcmlərdən söhbət gedir.

Xatırladaq ki, əvvəllər XBK genişləndirildiyi halda Qazaxıstanın "Burqas - Aleksandropulos" ilə ildə 17 mln. tonadək neft nəql edəcəyi barədə danışılırdı.

"Forum, hamı üçün aktual mövzunun - XBK-nın genişləndirilməsinin müzakirəsi üçün yaxşı meydança olub və XBK-nın 11 səhmdarından doqquzu memorandum imzalayıb. Beləliklə, bu məsələdə "Transneft" ilə irəliləyişlərə nail olmuşuq. Hesab edirik ki, qərar artıq yaxındadır və ilin sonunadək bütün səhmdarlar memorandum imzalayacaqlar", - Berlibayev bildirib.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti