...

Əcnəbi ekspertlər "Azəri – Çıraq – Günəşli" yataqlarındakı platformada qazın aşkar edilməsi məsələsinin həllinə kömək edəcəklər

Energetika Materials 25 Sentyabr 2008 17:33

Trend-i buradan izləyin

Azərbaycan, Bakı, 25 sentyabr/ Trend , müxbir S.Əliyev/ "Azəri - Çıraq - Günəşli" iri dəniz yataqlarındakı hasilat platformalarından birində qazın aşkar edilməsi məsələsinin həllinə kömək məqsədilə Bakıya əcnəbi mütəxəsisslər gəlib, - SOCAR  şirkətinin (Azərbaycanın Dövlət Neft Şirkəti) prezidenti Rövnəq Abdullayev cümə axşamı bildirib.

"Hazırda biz əcnəbi mütəxəssislərlə bu məsələni öyrənirik", - Abdullayev bildirib.

Qazın aşkar edilməsi nəticəsində, hasilatı Azərbaycan Beynəlxalq Əməliyyat Şirkətinin (ABƏŞ - operator BP) həyata keçirdiyi "Azəri" yatağının mərkəzi hissəsində quraşdırılan platformanın işi dayandırılıb. Hadisə sentyabrın 17 - də baş verib. Təhlükəsizlik məqsədilə, yatağın qərb hissəsində quraşdırılan platformanın da işi dayandırılıb. Nəticədə, yataqdan Azeri Light növlü neftin hasilatı əvvəlki sutkada 900 min bareldən təxminən 500 min barelədək azalıb.

"Platformalar tezliklə işləməyə başlayacaq", - ABƏŞ - in iştirakçısı olan SOCAR şirkətinin rəhbəri bildirib.

Ekspertlər hesab edirlər ki, "Mərkəzi  Azəri" yatağında neft hasilatının dayandırılmasına "qrifon"  - qaz axınının qazvurma quyusunun sütunkənarı boşluğu vasitəsilə səmərəli üfüqdən dənizin səthinə daxil olması səbəb olub.

"Qrifon" platformanın davamlılığına böyük təhlükə ola bilər. Belə ki, qaz axını platformanın altında dənizin dibinin üst hissəsini yuya bilər. Bu hadisənin qarşısını almaq üçün quyuda sement körpülərinin quraşdırılması ilə onu ləğv etmək, həmçinin, müəyyən dərinlikdə və dənizin dibində quyu ətrafındakı məkanı betonlaşdırmaq lazımdır, -bəzi ekspertlər hesab edirlər.

"Azəri - Çıraq - Günəşli" yatağından Bakı - Tbilisi - Ceyhan boru kəməri ilə ixrac edilən Azeri Light növlü neft hasil edilir.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti