Azərbaycan, Bakı, 07 noyabr / Trend / Müstəqil auditor - Britaniyanın "Gaffney, Cline & Associates" şirkəti Türkmənistanın qaz ehtiyatlarının əhəmiyyətli dərəcədə artdığını təsdiq edib. Bu barədə "Energy Intelligence Group" yazır.
Qaz ehtiyatlarının auditi Türkmənistanın şərqindəki "Cənubi İolotan/Osman" və "Yaşlar" onşor yataqlarda aparılıb.
Auditə əsasən, "Cənubi İolotan/Osman" dünyada böyüklüyünə görə, dördüncü yaxud beşinci yataqdır.
Brinatiya şirkətinin məlumatına görə, "Cənubi İolotan/Osman" yatağında qaz ehtiyatları "minimal ssenari" üzrə 4 trln. kubmetr, "yaxşı ssenari" üzrə 6 trln. kubmetr, "yüksək ssenari" üzrə 14 trln. kubmetr təşkil edir. "Yaşlar" yatağında qaz ehtiyatları, müvafiq olaraq, 0,3 trln. kubmetr, 0,7 trln. kubmetr və 1,6 trln. kubmetr təşkil edir.
