Azərbaycan, Bakı, 20 yanvar/ Trend , müxbir E.İsmayılov/
Yanvarın 25 - dən sonra "Azəriqaz" QSC istifadə edilmiş yanacağa görə ödəniş tələb olunan səvyyədə olmayan abonentlərə qazın verilməsində məhdudiyyətlər tətbiq etməyə başlayacaq, - "Azəriqaz"ın rəhbəri Əlixan Məlikov çərşənbə axşamı bildirib. İstifadə edilmiş qaza görə borcunu ödəməyən abonentlərı qaz xətlərindən ayıracaqlar.
Bəzi rayonlarda qazın verilməsində məhdudiyyətlər məhz istifadə edilmiş yanacağa görə ödənişin yığılması ilə bağlıdır, - Məlikov vurğulayıb.
"Onlara yanvarın 25 - dək vaxt vermişik və abonentlər arasında istifadə edilmiş qaza görə ödənişin səviyyəsi lazımi səviyyədə olmasa, borclar olsa, o zaman məhdudiyyətlər tətbiq olunacaq. İstifadə edilmiş qaza görə borclarını ödəməmiş abonentlərı qaz xətlərindən ayıracağıq", - Məlikov deyib.
Bu tədbirlər ölkənin rayonlarında da tətbiq olunacaq. "Bir rayonda yığımlar 50 faiz təşkil edirsə, o zaman oraya qaz 50 faizlik limitlə veriləcək", - Məlikov qeyd edib. İcra və idarəetmə orqanları tərəfindən qaz istismarı üzrə tətbiq edilən məhdudiyyətlər müvafiq abonentlərə qarşı tətbiq olunacaq.
"Biz girişlər və evlər barədə danışmırıq. Bu, borcları olan mənzillərə [abonentlərə] qarşı tətbiq olunacaq", - Məlikov deyib.
Müəlliflə əlaqə saxlamaq üçün elektron ünvan: [email protected]
