Azərbaycan, Bakı, 4 fevral / Trend / Turcas Petrol və Injaz Projects-lə alyans şəklində Petkim Türkiyə neft-kimya holdinqinin 51 faiz pay iştirakına malik SOCAR, bu şirkətin xammalla təminatı üçün neft emalı zavodunun tikintisi layihəsinin texniki-iqtisadi əsaslılığının (TİƏ) hazırlanması üzrə tender elan edib, - SOCAR-dan məlumat verilib.
Bu layihənin həyata keçirilməsi üçün SOCAR "SOCAR and Turcas Rafinery A.S." qaz şirkətini təsis edib.
NEZ Petkim-in kimyəvi müəssisələrini birbaşa vurulan benzinlə təmin edəcək. Zavodun tikintisinə ən azı dörd il tələb olunacaq. NEZ-ə qoyulacaq sərmayələr 4-5 milyard dollar həcmində qiymətləndirilir. Zavodun gücü ildə təxminən 8-10 milyon təşkil edəcək.
Hazırda Petkim neft-kimya kompleksinin məhsul payı Türkiyə bazarının 25-27 faizini təşkil edir. Ancaq bu göstəricini 40 faizə çatdırmaq planlaşdırılır. Hazırda bu neft-kimya kompleksinin regionda aparıcı şirkətə çevrilməsi üzərində fəal işlər aparılır.
Məqalə müəllifi ilə əlaqə ünvanı: [email protected]