Azərbaycan, Bakı, 22 iyul / Trend , müxbir E.İsmayılova /
Oktyabrda ARDNŞ-nin neft terminalı Gürcüstanın Qaradəniz limanı Kulevidə ölkənin Çaladidi stansiyasında dəmiryollarının yenidən qurulması üzrə işləri tamamlamağı planlaşdırır. Bu barədə çərşənbə günü terminaldan bildirilib.
"Hazırda Çaladidi stansiyasında yenidənqurma işləri həyata keçirilir, plana müvafiq olaraq işlər oktyabrda tamamlanmalıdır", - terminaldan deyilib.
Terminaldakı digər mənbədən əvvəlcədən verilmiş məlumata əsasən, Çaladidi stansiyasından Kolxeti stansiyasına kimi yeddi kilometr uzunluğunda əlavə dəmiryollarının çəkilməsi üzrə işlər aparılır.
Əvvəlcə Aqurkarxana və Kvaloni stansiyaları yaxınlığında dəmiryollarının yenidən qurulması üzrə işlər aparılırdı. Bu iki stansiya Santredi və Çaladidi stansiyaları arasında yerləşir. Aqurkarxana stansiyasındakı yenidən quraşdırılmış sahənin uzunluğu 815 metr, Kvaloni stansiyasında isə 720 metr təşkil edir.
Həmçinin terminala aparan Santredi stansiyası yaxınlığında dəmiryollarının yenidən quraşdırılması üzrə işlər tamamlanıb. Burada yenidən quraşdırılan bütün yolların uzunluğu beş kilometr təşkil edir.
Dəmiryollarının yenidən quraşdırılması və çəkilməsi üzrə aparılan işlər yükboşaltma və bu istiqamətdə qatarların hərəkətinin yüngülləşdirilməsi üçün vacibdir.
Kulevidəki neft terminal ötən ilin yayında öz işinə başlayıb. Terminalın yükboşaltma gücü ildə üç milyon ton neft, üç milyon ton dizel yanacağı, dörd milyon ton mazut daxil olmaqla 10 milyon ton neftdaşıma yükü təşkil edir. O, eyni zamanda 168 vaqon-sistern qəbul edə bilər. Rezervuar parkının ümumi həcmi 320 min kubmetr təşkil edir. İki il ərzində terminalın buraxılış gücünün 15-20 milyon tona çatdırılması planlaşdırılır.
Məqalə müəllifi ilə əlaqə ünvanı: [email protected]