Azərbaycan, Bakı, 31 avqust / Trend /
ARDNŞ (Azərbaycan Respublikası Dövlət Neft Şirkəti) və Gazprom Germania ZMB GmbH Bakıda "Neft Daşları" Neft Qaz Çıxarma İdarəsi (NQÇİ) ərazisində "Alçaq təzyiqli səmt qazlarının utilizasiyası" layihəsinin realizəsi zamanı yardım çərçivəsində "Xidmət Sazişi"ni müzakirə ediblər. Bu barədə ARDNŞ-nin Ekologiya idarəsindən verilən məlumatda deyilir.
Saziş Gazprom Germania şirkətinin ekspertləri Devid Qraebe və Erik Veygeltin Bakıya səfəri zamanı müzakirə olunub. Səfər çərçivəsində, həmçinin təmiz inkişaf mexanizmi çərçivəsində bu layihənin reazliəsinin davametdirilmə imkanları qiymətləndirilib.
Bu layihə alman şirkətinə ARDNŞ tərəfindən hələ 2008-ci ildə təklif olunub. ARDNŞ-lə Gazprom Germania arasında məxfilik haqqında saziş imzalanıb. Hazırda ekspertlər səviyyəsində layihə çərçivəsində sənədlərin hazırlanması üzrə işlər davam etdirilir.
Səfər çərçivəsində NQÇİ-nin layihəyə daxil olan meydançaları və texniki qurğularına baş çəkilib.
