Azərbaycan, Bakı, 02 sentyabr / Trend /
Sumqayıt şəhərində (Bakıdan 35 kilometr şimalda) çərşənbə günü Azərbaycanın Sənaye və Energetika Nazirliyi nəzdində Dövlət Enerji və Qaz Nəzarəti İdarəsinin regional qurumunun inzibati binasının açılış mərasimi keçirilib. Bu barədə Sumqayıt şəhər İcra Hakimiyyətinin məlumatında deyilir. İnzibati binanın açılışında ölkənin sənaye və energetika naziri Natiq Əliyev iştirak edib.
Yeni binanın inşasına 2008-ci ilin dekabr ayında başlanılıb. Bina 2 mərtəbədən və 12 iş otağından ibarətdir. Bu qurumun ştatı hazırda doqquz nəfər təşkil edir.
Dövlət Enerji Nəzarəti sektorunun əsası elektrik şəbəkəsinin şöbəsi qismində 1964-cü ildə qoyulub. 2001-ci ildə isə 2005-ci ildə adı Sənaye və Energetika Nazirliyinə dəyişdirilən Azərbaycanın Yanacaq və Energetika Nazirliyinin tabeliyinə verilib.