Azərbaycan, Bakı, 08 sentyabr / Trend , müxbir E.İsmayılov /
Gürcüstanın Kulevi Qara dəniz neft terminalında böyük tutumlu tankerlərin keçməsi üçün dənizin dibinin dərinləşdirilməsi prosesi başa çatıb. Bu barədə çərşənbə axşamı mənbədən deyilib.
Plana uyğun olaraq, dərinləşdirmə işlərində 2,2 milyon tona yaxın süxur ayrılıb.
Qazaxıstan neftinin "Tengiz" yatağından bu terminalla daşınması əsasən bu prosesdən asılıdır. "Tengiz" yatağının işlənməsi ilə "TengizŞevroyl" Qazaxıstan-ABŞ birgə şirkəti məşgul olur.
Əvvəllər terminaldan digər mənbənin dediyinə görə, Tengiz neftinin Kulevi terminalından daşınması üçün danışıqlar aparılır və mütəmadi olaraq görüşlər keçirilir. "Daşınmanın başlanma vaxtını demək çətindir, hazırda bu istiqamətdə işlər aparılır", - mənbəsən deyilib.
"Bu il Azərbaycan ərazisindən 3 milyonu Tengiz nefti olmaqla, 5 milyona yaxın Qazaxıstan neftinin nəql edilməsi planlaşdırılır", - "KazMunayQaz" Qazaxıstan şirkətinin rəhbəri Kairqeldi Kabıldin bir müddət əvvəl Bakıda demişdi.
ABŞ ChevronTexaco şirkəti 2008-ci ildə "Bakı-Tbilisi-Ceyhan" boru kəməri ilə Tengiz neftinin nəqlinə başlayıb. Müqavilənin şərtlərinə əsasən, Tengiz nefti BTC və dəmiryol ilə nəql ediləcək.
Dövlət Statistika Komitəsinin verdiyi məlumata görə, bu ilin birinci yarısında BTC boru kəməri ilə 907,7 min ton Tengiz nefti daşınıb.
Gürcüstan Qara dəniz terminalının Kulevidəki sahibi Azərbaycan Respublikası Dövlət Neft Şirkəti, Batumidə isə "KazMunayQaz" şirkətidir.
Məqalə müəllifi ilə əlaqə ünvanı: [email protected]
