Azərbaycan, Bakı, 14 sentyabr / Trend /
"Fars körfəzində qaz-kondensat emalı üzrə "Sitarə" zavodunun inşasından sonra ölkədə benzin istehsalı 2011-ci ilədək hazırkı 45 milyon litrdən ildə 81 milyon litrə qədər artacaq", - İranın Enerji Daşıyıcılarının Nəqli və İdarəedilməsi üzrə Təşkilatının rəhbəri Məhəmməd Ruyaniyan bildirib. Bu barədə İran televiziyası xəbər verir.
Ruyaniyanın sözlərinə görə, ölkədə benzin istehlakı sutkada 26 milyon litr azalıb. "Cari ildə benzin istehlakı sutkada 64 milyon litr təşkil edəcək", - o deyib.
Ruyaniyan bildirib ki, ölkədə dizelin istehlakı da 10 milyon litr azalıb.
