Kiyev, Ukrayna, 12 oktyabr / Trend , müxbir Z.Novostvitski/
Bu gün Ukraynanın paytaxtında Azərbaycan Respublikası Dövlət Neft Şirkətinin (ARDNŞ) nümayəndəliyinin təntənəli açılışı keçiriləcək.
Trend -ın Kiyevdəki xüsusi müxbirinin ARDNŞ-in Ukraynadakı nümayəndəliyinin rəhbəri Elçin Məmmədov ilə müsahibəsi
- ARDNŞ-in Ukraynadakı nümayəndəliyinin əsas vəzifəsi nədən ibarətdir?
- ARDNŞ-in Ukraynadakı nümayəndəliyinin əsas vəzifəsi ölkələrimiz arasında energetika sahəsində əməkdaşlığın inkişafı, Ukraynanın neft-qaz bazarının, qanunvericilik bazasının öyrənilməsi, sərmayə yatırımı və bu ölkənin dövlət və özəl şirkətləri ilə əməkdaşlıq imkanlarının aşkar edilməsidir.
- Ukraynanın neft və neft məhsulları bazarının marketinq tədqiqatı aparılırmı? ARDNŞ-in Ukraynanın neft məhsullarının satışı bazarında iştirak imkanı nəzərdən keçirilirmi?
- Biz marketinq tədqiqatları aparırıq və bu tədqiqatların nəticələri göstərir ki, Ukraynada ölkənin neft-qaz sektoruna sərmayə yatırılması üçün çox əlverişli şərait yaradılıb. Ukraynanın strateji mövqeyi, Avropa İttifaqı ölkələri ilə qonşuluq bu əhəmiyyəti bir qədər də artırır. Bəli, biz də neft məhsullarının satışı bazarında iştirak imkanlarını nəzərdən keçiririk.
- Sentyabr ayında Kremençutsk NEZ Azərbaycan neftinin 160 min ton həcmində olan iki partiyasını alıb. Bu NEZ-in Azərbaycan nefti ilə müntəzəm təmin edilməsi üzrə danışıqlar aparılırmı? Azərbaycan neftinin Ukraynanın digər NEZ-nə tədarük edilməsi nəzərdən keçirilirmi?
- Bu istiqamətdə, eyni zamanda neftin digər NEZ-ə tədarükü imkanları üzrə danışıqlar aparılır. Qeyd etmək istəyirəm ki, Kremençuqsk NEZ bizdən əlavə neft həcmi alıb və ümumilikdə alınan neftin həcmi 240 min ton təşkil edib.
- Odessa-Brodı-Qdansk-Plotsk neft kəmərinin tərkib hissəsi olduğu Avropa-Asiya neft nəqliyyat sistemi layihəsinin həyata keçirilməsi məsələsi hansı mərhələdədir? Nümanyəndəlik bu layihə çərçivəsində həyata keçirilən işlərdə iştirak edirmi?
- Odessa-Brodı-Qdansk-Plotsk layihəsi sözsüz ki, ciddi perspekitvlərə malikdir və biz Azərbaycan neftinin Avropaya bizə qonşu olan ölkələrdən keçməsi üçün bütün səylərimizi göstəririk. Lakin razılaşın ki, bunarın hamısı az vaxt tələb etmir. Azərbaycan və Ukrayna rəhbərləri 2007-ci ilin may ayının 11-də keçirilən sammitdə enerji daşıyıcılarının Xəzər regionundan Avropaya tədarükü sahəsidə əməkdaşlıq məsələləri üzrə kommünike imzalayıblar. Biz bu istiqamətdə işləməyə davam edirik.
- ARDNŞ Ukraynada NEZ-in inşası və ya birgə istifadəsini nəzərdən keçirib. Şirkət hansı variantı daha optimal hesab edir?
- Hələ ki, biz bu layihələri sadəcə nəzərdən keçiririk, onları öyrənirik və konkret nəyinsə haqqında danışmaq hələ tezdir.