...

"Şahdəniz" yatağından hasil edilən qazın həcmi stabilləşir

Energetika Materials 26 Noyabr 2009 20:20 (UTC +04:00)

Azərbaycan, Bakı, 26 noyabr / Trend , müxbir E.İsmayılov/

Hazırda Azərbaycanın "Şahdəniz" qaz-kondensat yatağının 4 quyusunda sutkalıq qaz hasilatının həcmi 200 milyon kubmetrə yaxın təşkil edir. Bu barədə cümə günü hökumətdəki mənbədən deyilib.

Yataqdan hasil edilən qazın ümumi həcminin 14,15 milyon kubmetri Türkiyəyə, 1,4 milyon kubmetri isə Gürcüstana verilir. Türkiyə və Gürcüstana qaz "Cənubi Qafqaz" ixrac qaz kəməri vasitəsilə nəql edilir.

"Şahdəniz"dən qaz hasilatı çərçivəsində Bakı-Tbilisi-Ceyhan neft kəmərinin nasos stansiyasına sutkada 300-400 min kubmetr qaz verilir.

Sentyabrın əvvəllərində planlı profilaftik işlərin aparılması məqsədilə yataqda hasilat tamamilə dayandırılmışdı. Hasilat platformasında aparılan təmir işləri zamanı lazımi avadanlıq quraşdırılmış və sentyabrın sonunda hasilat bərpa edilmişdi. Platformada hasilatın dayandırılması səbəbindən "Cənubi Qafqaz" kəmərinə qaz verilməsi prosesi də dayandırılmışdı. Platformanın dayandırılmasına qədər yatağın sutkalıq hasilatı 14-15 milyon kubmetr təşkil edirdi.

"Şahdəniz" dəniz yatağının işlənməsi müqaviləsi 4 iyun 1996-cı ildə imzalanıb. Layihənin iştirakçıları: BP (operator) - 25,5 faiz, Statoil hydro - 25,5 faiz, NİCO - 10 faiz, Total - 10 faiz, LukAgip - 10 faiz, TPAO - 9 faiz, ARDNŞ - 10 faiz.

Məqalə müəllifi ilə əlaqə ünvanı: [email protected]

Xəbər lenti

Xəbər lenti