Azərbaycan, Bakı, 18 yanvar / Trend , müxbir E.İsmayılov/
2009-cu ildə Rusiyanın Novorossiysk Qara dəniz limanı 44,5 milyon tona yaxın neft daşıyıb. 2008-ci ildə bu göstərici 42,6 milyon ton təşkil edib. Bu barədə limanın rəsmi internet saytında yerləşdirilən məlumatda deyilir.
"Novorossiysk Dəniz Ticarət Limanı" ASC 2009-cu ilin yanvar-noyabr aylarında 13,2 milyon tona yaxın neft məhsulları daşıyıb. 2008-ci ilin analoji dövründə bu göstərici 11,2 milyon ton təşkil edib.
Ümumilikdə, keçən il liman tərəfindən 86,5 milyon tondan çox müxtəlif yüklər daşınıb. 2008-ci lin analoji dövründə bu göstərici 81,6 milyon ton təşkil edib.
ARDNŞ Novorossiysk limanı vasitəsilə şəxsi neftinin daşınmasını həyata keçirir. ARDNŞ 2009-cu ildə "Bakı-Novorossiysk" boru kəməri ilə 2,5 milyon tona yaxın neft ötürüb. 2008-ci ildə bu göstərici 1,2 milyon ton təşkil edib.
2010-cu ildə bu istiqamətdə ötürülən neftin həcmində azalma olacağı proqnozlaşdırılır. Proqnozlara əsasən, bu il "Bakı-Novorossiysk" boru kəməri ilə 1,8 milyon tona yaxın Azərbaycan nefti ötürüləcək.
Novorossiysk Qara dəniz ticarət limanının yükdaşımaları üzrə ümumi cədvəl:
|
2009 |
2008 |
Fərq |
||
|
min ton |
min ton |
% |
||
|
Ümumi yük dövriyyəsi |
86 519,4 |
81 631,4 |
4 888,1 |
6 |
|
Maye yüklər (cəmi) |
58 504,6 |
54 890,9 |
3 613,7 |
6,6 |
|
Xam neft |
44 496,2 |
42 592,1 |
1 904,0 |
4,5 |
|
Neft məhsulları |
13 182,3 |
11 207,6 |
1 974,7 |
17,6 |
