...

2009-cu ildə Bakı-Tbilisi-Ceyhan neft kəməri vasitəsi ilə 38 mln ton neft ixrac olunub – ВР Azerbaijan

Energetika Materials 24 Fevral 2010 11:24 (UTC +04:00)

Trend-i buradan izləyin

Azərbaycan, Bakı, 24 fevral / Trend /

2006-cı ildən bu ilin fevralın 20-nə kimi Bakı-Tbilisi-Ceyhan boru kəməri vasitəsi ilə 112 milyon ton neft nəql edilib (837 milyon bareldən çox). Bu barədə BP Azerbaijan şirkətinin hesabatında bildirilir.

2009-cu ildə BTC boru kəməri vasitəsi ilə təxminən 38 milyon ton neft nəql edilib (285 milyon barel). 2006-cı ildən bu ilin fevralın 20-nə kimi Türkiyənin Ceyhan limanından 1065 tanker yüklənib. 2009-cu ildə BTC kəməri üzrə kapital xərclər 92 milyon dollar təşkil edib. BTC-nin 2010-cu ildə kapital xərclərinin planı 69 milyon dollar təşkil edir.

Bu kəmər vasitəsi ilə "Azəri- Çıraq -Günəşli" yatağı ilə neft və "Şah Dəniz" yatağı ilə kondensat nəql edilir. Sözü gedən yataqların operatoru BP şirkətidir.

BTC Co-nun səhmdarları aşağıdakılardır: BP (30,1%); AzBTC (25%); Chevron (8,90%); Statoil (8,71%); ТРАО (6,53%); Eni (5%); Total (5%); Itochu (3,40%); İnpex (2,50%); ConocoPhillips (2,50%) və Amerada Hess (2,36%)

Ötən ildə Bakı-Tbilisi-Erzurum (Cənubi Qafqaz qaz kəməri) qaz kəməri ilə "Şahdəniz" yatağından sutkada orta hesabla təxminən 15 milyon kubmetr qaz nəql edilib (Neft ekvivalentində 92 min bareldən çox). Ötən il bu kəmərin kapital xərcləri yeddi milyon dollar təşkil edib, bu il isə 12,7 milyon dollar səviyyəsində proqnozlaşdırılır.

Bakı-Supsa kəməri vasitəsi ilə Qara dənizdə Supsa terminalına 2009-cu il 31,4 milyon barel neft nəql edilib. Dəmiryol vasitəsi ilə ötən il 10,4 milyon barel neft nəql edilib.

BP-nin Sanqaçal terminalında məhsulun qəbulu və emalı üzrə müəssisənin texnoloji səmərəliliyi hazırda sutkada 39,5 milyon kubmetr qaz və 1,2 milyon barel neft təşkil edir.

2009-cu il sentiyabrın 23-də terminalda ixracın ən yüksək səviyyəsi qeydə alınıb, bu zaman Sanqaçalda 1 112 470 barel neft emal olunaraq ixrac edilib.

Xəbər lenti

Xəbər lenti