Azərbaycan, Bakı, 29 aprel /Trend, müxbir E.İsmayılov/
Xəzər Boru Kəməri Konsorsiumunun (XBK) yeni baş direktoru Aleksandr Tarakanov boru kəmərlərinin genişləndirilməsi prosesinə rəhbərlik edəcək. Bu barədə XBKK-nin rəsmi saytında yerləşdirilmiş məlumatda deyilir.
Nəzərdə tutulmuş həmin layihə çərçivəsində XBKK-nin iş gücü cari ildəki 30 milyon tondan 67 milyon tonadək artırılacaq.
Bu ilin yanvar-mart ayları ərzində XBKK səhmdarları "Yujnaya Ozereyka-2" terminalına təqribən 8,53 milyon ton CPC Blend növlü neft yükləyiblər. Ötən ilin analoji dövründə bu göstərici 8,76 milyon ton təşkil edib. XBKK səhmdarları 2009-cu ildə terminala təxminən 34,6 milyon ton neft yükləyib. 2008-ci ildə isə bu göstərici 31,5 milyon ton təşkil edib. 2007-ci ildə isə səhmdarlar 32,6 milyon tondan çox neft yükləyiblər.
XBKK-nın səhmdarları: Rusiya Federasiyası (Transneft tərəfindən təqdim edilən 24 faiz və XBKK tərəfindən təqdim edilən 7 faiz) - 31 faiz; Qazaxıstan Respublikası ("QazMunayQaz" tərəfindən təqdim edilən 19 faiz və Kazakhstan Pipeline Ventures LLC - 1,75 faiz) - 20,75 faiz; Chevron Caspian Pipeline Consortium Company - 15 faiz; LUKARCO B.V. - 12,5 faiz; Mobil Caspian Pipeline Company - 7,5 faiz; Rosneft-Shell Caspian Ventures Limited - 7,5 faiz; BG Overseas Holding Limited - 2 faiz; Eni International N.A. N.V. - 2 faiz və Oryx Caspian Pipeline LLC - 1,75 faiz.
