Azərbaycan, Bakı, 18 may /Trend, müxbir E.İsmayılov/
ARDNŞ ilk dəfə olaraq kəşfiyyat quyusunun qazılması prosesində neft əsasında düzələn son nəsil buruq məhlulunu tətbiq edir. Bu proses Xəzərin Azərbaycan sektorunda perspektivli "Ümid" strukturunda ilk kəşfiyyat quyusunun qazılması çərçivəsində həyata keçirilir. Bu sözləri çərşənbə axşamı Xəzər-Avropa İnteqrasiya İşgüzar Klubunun (CEIBC) "Xəzərdə neft-qaz əməliyyatlarının ekoloji risklərinin araşdırılması" mövzusuna həsr olunmuş iclasında ARDNŞ-nin qazma şöbəsinin rəhbəri Şaiq Bəkirov deyib.
Onun sözlərinə görə, elə bu səbəbdən perspektiv strukturda qazma işləri əsaslı surətdə aparılır. "Umid"də qazma işlərinin ehtiyatla aparılması sahənin çətinliyi ilə izah olunur", - Bəkirov deyib. Hazırda kəşfiyyat quyusunun dərinliyi layihədə olan 6500 metrə qarşı 3500 metr təşkil edir.
Bu, birinci kəşfiyyat qazmasıdır, ki, ARDNŞ son 15 il ərzində onu təkbaşına həyata keçirir. "Ümid" strukturunun mümkün ehtiyatları ARDNŞ-nin geoloqları tərəfindən 200 milyard kub metr qaz və 30 milyon ton kondensat qiymətləndirilir.
Kəşfiyyat quyusunun qazılması ARDNŞ tərəfindən "Ümid-1" platformasından aparılır. Yarımçıq tikilən "Çıraq-6" platformasının bazasında tikilmiş "Ümid-1" proqram çərçivəsində ən iri obyektdir. Onun hündürlüyü 72 metrdir. Platforma dənizin 58 metr dərinliyində, "Bulla Dəniz" dəniz yatağından 15 km aralıda yerləşir. Platformadan 6 qaz quyusunun qazılması planlaşdırılır.
