Gürcüstan, Tbilisi, 28 sentyabr /Trend, müxbir N.Kirsxaliya/
Gürcüstan və Azərbaycan 500 kilovat gücə malik "Muxran sahəsi" elektrikötürücü xəttin (EÖX) bərpasına başlayırlar. Bu iki ölkənin energetika sistemlərinin inkişafı üzrə Bakıda imzalanmış gələcək tədbirlər haqqında memorandumda nəzərdə tutulur. Bu barədə Trend-ə Gürcüstan Dövlət elektrik sistemindən bildiriblər.
Bu elektrikötürücü xəttin bərpası iki ölkə arasında elektrik mübadiləsini artırmağa imkan verəcək, eləcə də elektrik mübadiləsinin böyük təhlükəsizliyini təmin edəcək.
"Muxran sahəsi" EÖX-in bərpası iki istiqamətdə elektrik enerjisinin ixrac-idxalını artırmağa imkan verəcək.
Azərbaycan tərəfi bu informasiyanı alandan sonra öz ərazisində bərpa işlərinin öyrənilməsinə başlayacaq. 2011-ci il yanvarın 1-də Azərbaycan öz ərazisində bərpa işlərinin müddəti haqqında məlumatı Gürcüstana təqdim edəcək. Gürcüstan sazişin imzalanmasından 18 ay sonra öz sahəsini bərpa etməyə hazırdır.
