Azərbaycan, Bakı, 1 dekabr /Trend, müxbir E.İsmayılov/
Gələn il ARDNŞ "Günəşli" yatağında qaz və neftin hasilat həcmini saxlamaq üçün iş aparmağı planlaşdırır. Bu barədə çərşənbə günü ARDNŞ-dəki mənbə deyib.
Onun sözlərinə görə, yeni qaz və neft quyularının qazılması planlaşdırılır.
"Gələn il gözlənilən həcmlər haqqında danışmaq indi çətindir, çünki hələ ki tədbirlərə yekun vurulmayıb. Lakin gələn il hasilat həcminin saxlanması və ya hətta onun artırılması üçün işlər aparılacaq", - mənbə deyib.
Gələn il üçün nəzərdə tutulan yeni quyuların qazılması üzrə planların nümunəsi kimi, mənbə "Günəşli-14" platformasında altı yeni quyunun qazılmasını göstərib.
"Məsələn, gələn il 14 saylı platformada altı quyunun qazılması planlaşdırılır. Bu quyulardan bəziləri qaz, bəziləri isə neft quyuları olacaq", - mənbə qeyd edib.
"Günəşli" yatağının payına ARDNŞ-nin öz neft və qaz hasilatının əsas həcmi düşür.
"Günəşli" yatağının dayaz hissəsi ARDNŞ tərəfindən öz vəsaitləri hesabına, "Azəri-Çıraq-Günəşli" blokunun tərkibindəki dərin hissə isə xarici şirkətlər konsorsiumu ilə birlikdə işlənilir.