Azərbaycan, Bakı, 23 dekabr /Trend, müxbir E.İsmayılov/
Bu günlərdə ARDNŞ Astarada Azərbaycan və İranın qaz sistemlərini birləşdirən qaz nəqli infrastrukturunun bir hissəsi olan yeni kompressor stansiyasını istismara verəcək. Bu barədə cümə axşamı neft-qaz bazarındakı mənbə deyib.
Onun sözlərinə görə, stansiyada artıq sazlama və işəsalma işləri görülüb.
"İndi stansiyada üç-dörd gün ərzində onu istismara vermək üçün artıq tamamlama işləri aparılır", - mənbə qeyd edib.
Mənbənin sözlərinə görə, yeni stansiya 10 kompressordan ibarət olacaq, lakin cari ilin sonuna istismara yalnız altı kompressor veriləcək. Qalan 4 kompressor üzrə işlər 2011-ci ildə aparılacaq.
Bundan əvvəl ARDNŞ prezidenti Rövnəq Abdullayevin dediyi kimi, Dövlət Neft Şirkətinin Astara qaz-kompressor stansiyasının gücünün genişləndirilməsi üzrə investisiya proqramının həyata keçirilməsi, ilk növbədə, Naxçıvan Muxtar Respubliaksının qaz tələbatının ödənilməsinə yönəlib. Hazırda Azərbaycan qazının İrana nəqli Naxçıvan MR-in qazla təmin olunması üçün həyata keçirilir. Astarada stansiyanın genişləndirilməsi nəticəsində muxtar respublika qazla tamamilə təmin ediləcək. Sərbəst həcmlərin yaranacağı təqdirdə, ARDNŞ-nin artıq qazı İrana satmaq imkanı olacaq.
İran tərəfi dəfələrlə bəyan edib ki, ildə beş milyard kubmetrədək Azərbaycan qazı almaq imkanına malikdir.
Azərbaycan və İranı ümumi uzunluğu 1474,5 kilometr (296,5 kilometri Azərbaycan ərazisində) olan Qazı Məmməd-Astara-Bind-Biand qaz kəməri əlaqələndirir. Marşrut 1971-ci ildə istismara verilən Qazax-Astara-İran boru kəmərinin qoludur. Bu istiqamətdə üç - Qazı Məmməd, Ağdaş və Qazax kompressor stansiyaları tikilib. Boru kəmərinin diametri 1200 millimetridir. Mövcud bir infrastruktur onunla böyük həcmdə qazı nəql etməyə imkan vermir.
