Azərbaycan, Bakı, 1 fevral /Trend/
ARDNŞ 2011-ci ilin yanvarında Bakı-Novorossiysk şimal neft kəməri vasitəsilə 2010-cu ilin yanvarında olan təxminən 129,8 min tonla müqayisədə 168,2 min ton neft ixrac edib. Bu barədə ARDNŞ-nin məlumatında deyilir.
2010-cu ildə ARDNŞ Bakı-Novorossiysk neft kəməri vasitəsilə 2,2 milyon ton neft ixrac edib. Bu göstərici 2009-cu ildə 2,48 milyon ton, 2008-ci ildə 1,2 milyon ton olub. 2007-ci ildə bu marşrut üzrə 1,2 milyon ton neft ixar edilib ki, bu da 2006-cı ilin anoloji göstəricisinə bərabərdir. 2005-ci ildə Bakı-Novorossiysk kəməri ilə ixrac 1,6 milyon ton neft təşkil edib.
ARDNŞ Bakı-Novorossiysk vasitəsilə şəxsi yataqlarından hasil edilən neftin və Azərbaycanda quruda fəaliyyət göstərən birgə müəssisə və əməliyyat şirkətlərinin neftinin daşınmasını həyata keçirir.
Bakı-Novorossiysk boru kəmərinin operatoru 2007-ci ilin sonunadək ABƏŞ olub, sonradan bu funksiyanı ARDNŞ-yə ötürüb.