Azərbaycan, Bakı, 3 mart /Trend, müxbir E.İsmayılov/
"Azərenerji" ASC Azərbaycan İES-in son enerji blokunun yenidən qurulması üzrə işləri başa çatdırır. Bu barədə cümə axşamı Trend-ə ASC-dəki mənbə deyib.
"İndi son enerji blokunun yenidən qurulması çərçivəsində tamamlama işləri aparılır", - mənbə bildirib.
Bundan əvvəl "Azərenerji" ASC-nin rəhbəri Etibar Pirverdiyevin dediyinə görə, yenidənqurma işlərinin bu ilədək sona çatdırılması planlaşdırılır.
2010-cu ildə Azərbaycan İES 5,24 milyard kilovat-saata yaxın elektrik enerjisi istehsal edib. Bu, proqnozlaşdırılandan 30,2 milyon kilovat-saat çoxdur.
Stansiya hər birinin gücü 300 meqavat olan səkkiz enerji blokundan ibarətdir. Hazırda İES-də yenidənqurma işləri aparılır. İşlər başa çatdıqdan sonra stansiyanın gücü 2000 meqavatdan 2600 meqavatadək artacaq.
İlk enerji bloku 20 oktyabr 1981-ci ildə işə salınıb.