Azərbaycan, Bakı, 15 mart /Trend/
Martın 1-nə olan məlumata görə, Azərbaycanın əsas istehlakçılarının mazut ehtiyatı 304,9 min ton təşkil edib ki, bu da ötən ilin analoji dövrünün göstəricisindən 2,6 faiz azdır. Bu barədə Azərbaycan Dövlət Statistika Komitəsindən bildiriblər.
Martın 1-nə avtomobil benzini ehtiyatı 18 min ton olub ki, bu da ötən ilin analoji dövründə qeydə alınan göstəricidən 1,1 faiz çoxdur.
Əsas istehlakçıların dizel yanacağı ehtiyatı, martın 1-nə olan məlumata əsasən, 16,6 min ton təşkil edib ki, bu da ötən ilin analoji dövründə qeydə alınan göstəricidən 14,5 faiz çoxdur.
İstehlakçılarda maye qazın ehtiyat həcmi 1,9 min ton olub ki, bu da 2010-cu il in analoji dövründə qeydə alınan göstəricidən 18,7 faiz çoxdur.
Yanvar-fevralda istehlakçılarda daş kömür ehtiyatları 6,1 min ton olub. Bu da ötən ilin analoji dövründə qeydə alınan göstəricidən 10,3 faiz azdır.