Azərbaycan, Bakı, 19 sentyabr /Trend, müxbir E.İsmayılov/
ARDNŞ-nin (Azərbaycan Respublikası Dövlət Neft Şirkəti) "Azəriqaz" İstehsalat Birliyi 2013-cü ilədək Azərbaycanda qazlaşdırmanın səviyyəsini 95 faizədək artırmaq üçün öz ehtiyatlarının cəlb edəcək. Bu barədə Trend-ə bazar ertəsi İB-nin rəhbəri Əkbər Hacıyev bildirib.
"İndi abunəçilərin qazlaşdırılması səviyyəsinin yüksəldilməsi üçün ölkənin bütün regionlarında, eləcə də Bakıda iş aparılır", - Hacıyev deyib.
O bildirib ki, başqa layihələrin həyata keçirilməsinə də diqqət yetirilir, lakin bu mərhələdə əsas diqqət ölkədə qazlaşdırması səviyyəsinin 95 faizədək artırılmasına verilib.
Respublikada abunəçilərin ümumi sayı 1,312 milyondur, onlardan artıq 1,304 milyonu qaz sayğacları ilə təmin olunub.
"İlin əvvəlindən 64 yaşayış məntəqəsi qazla təchiz edilib", - bir müddət əvvəl İB-dən deyiblər.
Bir müddət əvvəl ARDNŞ prezidenti Rövnəq Abdullayevin dediyi kimi, ARDNŞ Azərbaycanın bütün rayonlarında qaz təchizatının yaxşılaşdırılması üçün işlər aparır. İnvestisiya layihələri ölkənin bütün qaz təsərrüfatında, xüsusilə, magistral qaz kəmərlərində həyata keçirilir. Bu, qarşıdakı qış mövsümündə qaz təchizatını yaxşılaşdırmağa imkan verəcək.