...

İlin sonunadək ARDNŞ-nin Gürcüstandakı yanacaqdoldurma məntəqələrinin sayı 90 ədədi ötəcək

Energetika Materials 12 Oktyabr 2011 12:16

Trend-i buradan izləyin

Azərbaycan, Bakı, 12 oktyabr /Trend, müxbir E.İsmayılov/

2011-ci ilin sonunadək Gürcüstanda SOCAR (Azərbaycan Respublikası Dövlət Neft Şirkəti) brendi altında yanacaqdoldurma məntəqələrinin sayı 96-97 ədəd olacaq. Bu barədə Trend-ə çərşənbə günü "SOCAR Energy Georgia"dakı (ARDNŞ-nin Gürcüstandakı maraqlarının təmsil edir) mənbə bildirib.

Onun sözlərinə görə, bu gün ARDNŞ-nin Gürcüstandakı yanacaqdoldurma məntəqələrinin sayı 80 ədəd təşkil edir.

"Bütün Gürcüstan ərazisində yeni məntəqələrin tikintisi davam edir. İlin sonunadək onların sayı 96-97 ədədə yaxın olacaq", - mənbə deyib.

Azərbaycanın neft məhsullarının Gürcüstanda satışı məsələləri ilə "SOCAR Georgia Petroleum" məşğul olur. O, 2006-cı ildən öz işinə başlayıb və "SOCAR Energy Georgia" şirkətinin 100 faizlik törəmə müəssisəsidir.

ARDNŞ Azərbaycanda bir sıra YDM-ə malikdir. Tədricən şirkət Ukraynada YDM açır, eləcə də Rumıniyada yanacaqdoldurma məntəqələri şəbəkəsinin yaradılması üzrə işlər aparır.

Xəbər lenti

Xəbər lenti