...

ARDNŞ yeni müəssisənin yaradılması üzrə tenderin müddətini uzadıb

Energetika Materials 28 Dekabr 2011 19:38 (UTC +04:00)

Azərbaycan, Bakı, 28 dekabr /Trend, müxbir E.İsmayılov/

ARDNŞ (Azərbaycan Respublikası Dövlət Şirkəti) Sumqayıt şəhərində təbii qaz əsaslı, gündəlik istehsal gücü 2000 ton təşkil edəcək Azot gübrəsi-Karbamid zavodunun "açar təhvili" şərtilə tikintisi işlərinin satın alınması məqsədilə baş podratçının seçilməsi üçün açıq tenderin müddətini uzadıb.

Yeni müəssisədə ammonyak, karbamid istehsal ediləcək, eləcə də karbamidin qranulyasiyası həyata keçiriləcək.

Məlumata əsasən, tender komissiyasının qərarı ilə 2011-ci il avqustun 5-də elan olunmuş açıq tenderin müddəti ilə 2012-ci il martın 1-dək uzadılıb. Əvvəl tender təkliflərinin təqdim edilməsi üçün son müddət dekabrın 15-nə qədər təyin edilmişdi, onların açılması isə dekabrın 20-də baş tutmalı idi.

Tender daha rəqabətcil təkliflər təqdim edilməsi üçün əksər potensial podratçı şirkətlər tərəfindən edilən müraciətlər əsasında uzadılıb.

Yeni müəssisənin təməlqoyma mərasimi bu il dekabrın 19-da Azərbaycan Prezidenti İlham Əliyevin iştirakı ilə baş tutub.

Xəbər lenti

Xəbər lenti