Azərbaycan, Bakı, 17 aprel /Trend, müxbir E.İsmayılov/
Yanvar-mart aylarında Bakı-Tbilisi-Ceyhan (BTC) boru kəməri ilə 8,9 milyon ton neft nəql edilib. 2011-ci ilin analoji dövründə bu rəqəm 9,2 milyon ton neft olub. Bu barədə çərşənbə axşamı Trend-ə Azərbaycan Dövlət Statistika Komitəsindən məlumat veriblər.
"Birinci rübdə magistral neft kəmərləri üzrə nəql edilən neftin həcminin 77,3 faizi Bakı-Tbilisi-Ceyhan neft kəmərinin payına düşüb", - komitədən bildiriblər.
Birinci rübdə Cənubi Qafqaz qaz kəməri (Bakı-Tbilisi-Ərzurum) ilə 1,3 milyard kubmetr qaz nəql edilib ki, bu da 2011-ci ilin yanvar-mart aylarının göstəricisinə uyğundur.
