Azərbaycan, Bakı, 5 noyabr /Trend, müxbir Aygün Bədəlova/
Azərbaycan Respublikası Dövlət Neft Şirkətinin Türkiyədəki "Star" neft emalı zavodunda (NEZ) istehsal ediləcək məhsullar ixrac üçün nəzərdə tutulmayıb. Bunu Trend-ə "Star Refinery" A.C.-nin icraçı direktoru Robert Stori deyib.
Onun sözlərinə görə, NEZ-də istehsal ediləcək bütün məhsullar Türkiyənin daxili bazarına göndəriləcək: "Hazırda ixrac imkanlarını nəzərdən keçirmirik".
R.Stori qeyd edib ki, ultraaşağı kükürd tərkibli dizel yanacağı, aviasiya yanacağı kimi məhsullar Türkiyənin müxtəlif aviaşirkətləri üçün nəzərdə tutulacaq: "Maye qaz və nafta "Petkim"in tələbatlarını ödəyəcək".
O, əlavə edib ki, NEZ-in tikintisinin 2018-ci ilin I rübündə tamamlanması gözlənilir.
