Azərbaycanın neft qiymətlərinin həftəlik icmalı

Bakı.Trend:

Ötən həftə "Azeri Light CIF", "Dated Brent" və "Azeri Light FOB Ceyhan" markalı neftin orta qiymətləri artıb, Urals markalı neftin orta qiyməti isə azalıb.

Trend-in məlumatına görə, Azərbaycanda “Azəri-Çıraq-Günəşli” yatağından hasil edilən "Azeri Light CIF" markalı neftin orta qiyməti əvvəlki həftə ilə müqayisədə 0,03 ABŞ dolları və ya 0,03 faiz artaraq 114,39 ABŞ dolları təşkil edib.

Məlumata əsasən, həftə ərzində bu markalı xam neftin maksimal qiyməti bir barel üçün 118,16 ABŞ dolları, minimal qiyməti isə 110,05 ABŞ dolları olub.

Türkiyənin Ceyhan limanında FOB şərtləri ilə "Azeri Light" markalı neftin orta qiyməti bir barel üçün 112,03 ABŞ dolları təşkil edib ki, bu da əvvəlki həftənin göstəricisindən 0,27 ABŞ dolları və ya 0,2 faiz yüksəkdir. Həftə ərzində ən yüksək qiymət bir barel üçün 115,71 ABŞ dollarına, ən aşağı qiymət isə 107,73 ABŞ dollarına çatıb.

"Urals" markalı neftin orta qiyməti əvvəlki həftə ilə müqayisədə 0,21 ABŞ dolları və ya 0,2 faiz azalaraq bir barel üçün 90,05 ABŞ dolları təşkil edib. Həftə ərzində maksimal qiymət 94,22 ABŞ dolları, minimal qiymət isə 85,05 ABŞ dolları olub.

"Dated Brent" markalı neftin orta qiyməti bir barel üçün 111,67 ABŞ dolları təşkil edib ki, bu da əvvəlki həftə ilə müqayisədə 1,86 ABŞ dolları və ya 1,7 faiz çoxdur. Həftə ərzində bir barel üçün maksimal qiymət 114,90 ABŞ dolları, minimal qiymət isə 107,23 ABŞ dolları olub.