ARDNŞ ilə əvvəllər "Kürsəngi-Qarabağlı" yatağının işlənib-hazırlanmasının iştirakçısı olan Frontera Resources arasında məhkəmə araşdırması ilə bağlı hakimlərin qərar qəbul etməsi 2 il uzadıla bilər. Bu barədə Trend ə ARDNŞ nümayəndəsi bildirib.
"Hazırda bu işlə bağlı bütün məhkəmə proseduraları başa çatıb və biz yalnız hakimlərin qərarını gözləyirik. Amma dünya arbitraj proseduralarına əsasən, bu, təxminən 2 il davam edə bilər" -deyə şirkət nümayəndəsi bildirib.
Frontera Resources dəymiş ziyana görə ARDNŞ-ə ümumi $23 mln. məbləğində iddia irəli sürüb. Bundan $15 mln. 737 min 447 tələb olunan məbləğ, $7 mln. - faizlər, təxminən $600 min - hüquqşünasların xərci, $300 min - arbitraj məhkəməsinin xərcləri və s. təşkil edir.
