2006-cı ilin yanvar-aprel aylarında Azneftkimyamash ASC 4,2 mln. manat dəyərində məhsul satışı həyata keçirib. ASC-dən Trend ə verilən məlumata görə, bu dövr ərzində məhsul ixracı 60%-dən çox təşkil edib. Məhsulun yerdə qalan hissəsi daxili bazarda satılıb.
Azneftkimyamash ASC Azərbaycan prezidentinin 22 mart 2001-ci il tarixli sərəncamı ilə Azneftkimyamash DŞ-nin bazasında yaradılıb.
Səttarxan adına maşınqayırma zavodu 300 min manat, Sabunçu EİB 200 min manat, Bakı fəhləsi maşınqayırma zavodu - 400 min manat, Sərdarov adına zavod - 150 min manat dəyərində məhsul ixrac edib.
Məhsul Rusiya (400 min manatdan artıq), Qazaxıstan (təxminən 600 min manat), Ukrayna və Gürcüstana ixrac olunub.
AMB-nin məlumatına görə, 23.06.06-cı il üçün manatın dollara nisbətdə məzənnəsi 0,9006 AZN təşkil edir.
