Sentyabrın 27-də Bakıda Xəzər inteqrasiya işgüzar klubunun üzvləri və Azərbaycanın sənaye və energetika naziri Natiq Əliyev arasında görüş keçirilib.
Trend in xəbər verdiyi kimi, nazir qeyd edib ki, bu il Azərbaycanda iqtisadi artımın həcmi 34%-i keçəcək. Ötən il bu göstərici 26,4%-ə bərabər olub.
N.Əliyevin sözlərinə görə, bu il neft hasilatının həcmi rekord göstəriciyə çatacaq, yəni 30 mln tondan çox olacaq. Gələn il bu göstərici 47 mln tonadək artacaq.
Hazırda ARDNŞ şəxsi qazının hasilat həcminin artırılması proqramını gerçəkləşdirir. Bu il hasilatın həcmi 500 mln kub metr, gələn il isə daha 500 mln kub metr artacaq. Bu, yeni platformaların inşası, yeni quyuların qazılması (təxminən 23 yeni quyunun qazılması planlaşdırılır) və bir sıra digər tədbirlərin həyata keçirilməsi hesabına baş verəcək. İki il ərzində ARDNŞ şəxsi qaz hasilatını 2 mlrd kub metr artırmaq niyyətindədir", - deyə nazir qeyd edib.
Onun sözlərinə görə, elektrik enerjisi sahəsində böyük işlər görülür. 5 il ərzində elektrik enerjisi istehsalının ümumi gücü 3000 MVt artacaq.