"AzəriFugro" Azərbaycan-Niderlandiya birgə müəssisəsi "Agip KCO" şirkətinin sifarişi ilə Xəzər dənizinin Qazaxıstan sektorunda geotexniki işləri tamamlayıb. Bu barədə Trend ə şirkətdən məlumat verilib. İşlər dənizdə Atırau şəhəri yaxınlığında görülüb. Bu işlərin gələn il davam edəcəyi güman edilir.
Şirkət süxurun mühəndis xüsusiyyətlərini, eləcə də boru kəmərinin süni adadan sahilə qədər çəkilməsi üçün geotexnikanı araşdırıb.
Bu layihə üzrə işlərin bir hissəsi ötən il yerinə yetirilib. Geotexniki quyuların qazıntısı Qazaxıstan tərəfinə məxsus barjadan aparılıb.
